![](https://schriefl.eu/media/pages/discography/gelaeut/3d3f94c73a-1657016481/rn-10016-cover-hires-300x.jpg)
Mit der Kabeale GELÄUT hat bei eis dr Hias a Kebeale gründet, zum in de Kabeala spiele. Do dand mit a Schwiezar Sängerin, d' Sarah Buechi, oine vo der zwei Cellistinna Susanne Paul odr halt d Mathilde Vendramin, wea grad drweil hot, und de Bleachumanandwuslar Johannes Bär, a Vorarlbergar koiza Siach. D' Kompositiona hämmer im Friajohr und Altweibersommer 2021 an deane söttige Kiacha gspielt, mit de Glocka vo deane Kiacha und Glöckner allat vo dett.
Der Johannes und de Hias sind ummanandgheazet in de Kiachtirm, damit se d Glocke abinde könne hand, damit do Melodia und Rhythma nauskomme sind, wia se se hald welle hand. Grad streng hand ses ghett wollewell hat ses rendiert, weil dunda hat des fei schee dau, mit de zwei Fehla am Cello und Xang, wo drzua gspielet hand.
Wege dean Konzertla hat oi Pfarrer amole gseht: Gänd alle ind Kiache, na gännd id alle nei. Aber es gannd ja id alle, drum gännd alle nei.
Und do hat a reacht ghett, drum hämmer se glei dussa gmacht. Und am Heilige Petrus hats o guat dunckt, drum hat a allad d Sonne scheine lau, bei iber zwunzg Konzertla. Wemma dia CäDä eilegt, kutt übrigens o d Sonne raus, ma muaß bloß des Stuck mit de Alphörner laut gnua spiele und nette Nachbaure hau, aber des wär eh grundsätzlich id verkehrt.