Solo

A Jeda schwätzt doch mankmol mitm seal, abr so an Hoigaarte, wia dös beim Unerhörte Selbstgespräch rumkutt, aso ko dös, glob i, it so gschwind ebbar. ...
... D Grind lot dea wo do mitm seal schwätzt it henke. Do wird of deane Bloßinstrumenter it bloßegs a Melodie gschpielt, do heart ba o amole a Kueh reare, a Lokomotiv pfeife, an Eisagar wischbre, a Sau grutzge, a Bleach schebbre, do pfutzgets, do blitzgets und sogar a Marschmuseg kut dure. Mankmol driëlet´s os der Trompeate, dass ba moid, jetz isch se hie, abr zmol amol schuißt mea a bolzegraada Ton raus, dea oim durch Mark und Boi goht. Dia Eifäll gänd m Matthias id aus, allat mea hot a nuie Idea, - wo r as bloß heanimmt; a Siach isch a scho.


Matthias Schriefl (tp, flh, bflh, horn, tuba, alph, voc, comp)